par Burkĩna Faso nin-buiidã leb n vɩɩmda ne buraad rãamd wa yʋʋm-vẽkr kiuug rasem 24 sẽn loogã. Rẽ ra sẽn da pɩʋʋgã, d fãa ra tẽedame tɩ naam-wẽ-n-dɩkã na ya n kolg weoogo, la moos maan b gomd tɩ « bɛ sã n digdg-f n ka yalse, bɩ f me ra yals ye».
Sẽn sɩng ne yʋʋm-vẽkr kiuug rasem 23 tã n tãag a rasem 24 yʋʋm 2022 soabã, soda-kom-bɩɩb sulli, b sẽn boond tɩ ƐMPESƐƐR n doge, n wẽ a Rok Mark Kiristẽ KABOOR naamã n lubi, la b reeg n na n paam n zab ne bɛɛbã tɩ yõ-koglg kaalmã targ n leb n leb poorẽ. B ra yãka a Poll Ãari Sãandaoogo DAMIB n lʋɩɩs b taoore. A wakatã, burkĩn bi wã fãa wẽ-a-la nu-poaka, n sɩd ra kõ-a sɩda, n yet tɩ b paama b fãagda. La wa n tara lengre, tɩ d wa mik tɩ « noaag ka são a yasb ye ». Bala, beoog sẽn da vẽeg fãa, wẽngã tara taoor kẽnde.
Talla woto, n ta bõn-bɩʋʋng kiuug rasem 30 yʋʋm 2022 soabã, bugraad rãamd sẽn na n leb n nek Waogdg nin-buiidã. Na-tẽngã pʋgẽ, soay kẽer ra paga ne sodaase. Ɛrtebe televisẽo wã ra pa pa le kõt n ye. Zĩig sẽn pẽ a noorã, ra yaa sodaas n yãmb-a ne bugra-bɛda, tɩ nebã goam ra ka tũud taab ye. Tɩ bala, neb kẽer yeelame tɩ yaa sodaasã n tar yã taaba, tɩ kẽer me ra yetẽ tɩ yaa naam wẽ-n-dɩke.
Yaa wĩndg sẽn wa n lʋɩ, la b yiis koees n wilg tɩ b luba Letena Poll Ãari Sãandaoogo DAMIB naamã, la ket n yaa ƐMPESƐƐR n na n zã tẽngã. Rat n yeel tɩ sull ning sẽn da wẽ a Rok naamã n lubã, yaa sul-kãnga, la ya b yãabã n da ka yɩ a yembre. Rẽ n kɩt tɩ b tus b taoor soabã n lubi, la b na n maneg n kẽng ne b yãabã taoore. B vẽnegame tɩ yaa Letena Kolonell DAMIB na-kẽndrã sẽn da pe le tũud wa bãmb sẽn da gãnegã ye. DAMIB na-kẽndrã wa n lebga Politikã, la bʋ-kaoorã tõod kɩɩsg n be taoore, tɩ nin-wẽnsã sẽn kʋʋd nin-buiidã ka le pak-a ye.
ƐMPESƐƐR a yiib soabã rãmb wilgame tɩ Letena Poll Ãari sãadaoogo DAMIB zãmba bãmba. A zãmbgã n wa ne b na n lebg n deeg naamã bõn-bɩʋʋng kiuug rasem 30 yʋʋm 2022 soabã pʋga, n yãk n sʋkã soda-bi-bɩɩg a ye tar yʋʋm 34 t’a ƐMPESƐƐR sullã. Yaa kapitɛnd Yɩbrayɩɩm TARWARE. Tũu ne mooneg koees b yiis Burkĩna Faso telavisẽo wã pʋgẽ la nin-buiidã yaool n na n bãng tɩ ket n yaa ƐMPESƐƐRE, la yaa ƐMPESƐƐR a yiib soab n lebg n doge.
Pipi mooneg̃ pʋgẽ, b wilgame tɩ tẽngã tẽn-kugr yalsame. Yiib soaba, noy nins fãa b sẽn da rɩk tãrãzisẽo wã zãab wɛɛngẽ yalsame. Tãab soaba, gosneema tʋʋm yalsame. Naas soaba, Tãrãzisẽo wã depite rãmb tʋʋmd yalsame. Nu soaba, sẽn sɩngd ne moonegã koɛɛg yiib tɛka, Burkĩna Faso todsã fãa na n pagame n tãag b sẽn na n wa kõ sor tɩ b pags-ba.
Yoob soaba, b tẽngã bee tẽn-gumbr pʋgẽ, la a sɩngda yʋng wakat a 9 n tãag yibeoog wakat a 5. Yopoe soaba, tʋʋm sẽn kẽed Politik wɛɛngẽ yalsame. A nii soaba, nin-zaalsã sula tʋʋm yalsame.
B wilgame tɩ wakat sẽn wate, b na n boola tẽngã tʋʋm noy taood dãmba, la tẽngã neb buud toor-toore, tɩ b lebg n gʋls noy nins b sẽn na n tũ n zã tãrãzisẽo wã. A pʋgẽ, tẽngã naab tõe n yɩɩ sodaaga, bɩ nin-zaalga.
Yaa moonegã koɛɛg n wa n vẽneg nebã tɩ b bãng bũmb zu-loɛɛg ning sẽn leb n wa ne naam wẽ-n-dɩkã na n leb n pʋgl a to sẽn da maan pʋgẽ. A Poll Ãari Sãandgo DAMIB ra ka tʋlg n na n sak faag-faag ye. Rẽ yɩɩ sabaab n wa ne Burkĩna Faso wen-vɩɩs a naasã nin-buiid sũ-puuri. Bala, tẽngã gilli, sẽn da rat-ba, a DAMIB t’a kaoo naamẽ wã ra le waoog ye. Neb wʋsg sẽn da ka le nong-a naamẽ wã kɩtame tɩ zĩ-likr kiuug pipi daare : Bobo, Waogdgo, Kaya, la zĩisa taab neb yi zama ka tɛk n wilg tɩ b bee sodaas nins sẽn deeg naamã rãmb poorẽ. Sũ-puurã sẽn wa n paam pãnga, yaa sodaasã sẽn leb n yiis mooneg koɛɛg a to n wilg t’a DAMIB zoeeme n kẽng Fãrens sodaasã zĩigẽ, la a rat n lebg n wa zabame n deeg naamã, la nebã yi n sõng-ba. Rẽ maneg n puuga b sũurã, tɩ b yi n wilg tɩ rẽndame tɩ Farens loog la a bas Burkĩna Faso. Farens tẽngã no-rɛɛs a Lik Halaad yiime n kɩɩs gomdã n wilg tɩ Farens pa mi yell ba a ye tiir ye.
Nin-buiidã kell n yalsame n tɩ tãag b sẽn dɩk noor n yãk tẽn-gubri. B wilgame tɩ b pa na n lebg n kẽ zagsẽ t’a DAMIB sã n ket n tagsdẽ t’a tõe n wõra nebã n pa naamẽ wã ye. Rẽ wã, b na n kell n maoome n ta a sẽn na n wa wilg t’a sigame la a bas naamã. Zĩ-likr kiuug rasem a 2 raare, koees wa n yiime n wilg tɩ sẽn tũ ne dĩin taoor dãmb la rog-n-mik nanambs sẽn kẽes b toogo, Letena Kolonell Poll Ãari Sãandaoogo DAMIB sakame n sigi, sẽn na n yɩl tɩ sodaasã ra wa welg taab ye.
A sigbã poore, sodaas nins sẽn deeg tẽngã yiisa mooneg koɛɛg n pʋʋs nin-buiidã, la b wilg tɩ b na n sega ministɛɛr dãmbã seb-gʋndb taoor rãmb tɩ b zĩnd ne taab n ges tʋʋm-yãgdem nins sẽn be.
A Rãamd kiba-kɩtbã
Burkina : Le président Damiba démis de ses fonctions par son propre camp pour « trahison »
Comme le 24 janvier dernier, les ouagavillois se sont levés. Après cet avènement, tout espoir était fixé vers ces nouvelles autorités, mais hélas, rien n’as changé dans le quotidien, les attaques se multipliaient d’avantage. C’est ainsi que des jeunes soldats issus du MPSR ce sont emparé du pouvoir du Lieutenant-colonel Paul Henri Sandaoogo Damiba,
L’annonce a été faite sur la télévision nationale du Burkina par un groupe de militaires qui ont désigné le capitaine Ibrahim Traoré 34 ans comme président intérimaire, en attendant le choix d’un civil ou d’un militaire pour conduire la Transition.
Pour les intervenants, l’ex président s’est écarté de l’objectif fondamental de reconquête du territoire aux mains des terroristes et a causé la perte d’autres localités auparavant paisibles.
Les mesures suivantes ont été annoncées dans la foulée :
1- suspension de la Constitution
2- dissolution de la charte de la Transition
3- dissolution du gouvernement
4- dissolution de l’Assemblée législative de Transition
5- fermeture des frontières terrestres et aériennes pour compter du 30 septembre 2022 à 00h
6- instauration d’un couvre-feu de 21h à 5h du matin
7- suspension de toute activité politique
8- suspension de toute activité des organisations de la société civile
Suite à ce communiqué, un autre qui as été lus par le sous-lieutenant Jean-Baptiste Kabré, faisait cas d’une contre-offensive que le lieutenant-colonel Paul Henri sandaoogo Damiba réfugié à Kamboinssin, préparait contre les militaires qui se sont emparer du pouvoir, cette information n’as pas été du goût de la population, c’est ainsi qu’un mouvement de masse est né le 1er Octobre 2022 à Bobo Dioulasso, Ouagadougou, Kaya et d’autres villes du Burkina Faso. Les manifestants ont montrés leur soutien au capitaine Ibrahim Traoré et sa troupe, ils ont également demandé le départ de la France qu’ils pensent être derrière tout ça, l’ambassadeur de la France Luc Hallade dans un communiqué as démentis toute ingérence de la France dans cette crise.
Les manifestants sont restés sur pied tout en réclamant le départ immédiat du lieutenant-colonel Paul Henri Sandaoogo Damiba, et de la France.
Le 02 Octobre 2022, avec la médiation des responsables coutumiers et religieuses, le Lieutenant-colonel Paul Henri Sandaoogo DAMIBA a signé sa démission.
Les militaires ont annoncé une convocation prochaine des forces vives de la nation pour adopter une nouvelle charte de la Transition et désigner un nouveau président de la Transition, civil ou militaire.
La rédaction du Journal Rãamdé
