par Sẽoog kiuug rasem 16 yʋʋm 2023 soabã ANDN sullã maana tik-kaseng Waogdgo, Meeri wã kom-bɩɩb zakẽ. B goma Buls ne Pʋytẽng sorã gudrõ, b sẽn dat n viig-a n tɩ yi Sãagẽ Baraasã Diig zugu, tɩ: Zʋgo, Pĩisi, la Yẽeg rãmb ka rat n sakã, la nin-wẽnsã tʋʋmd sẽn tar yãngr beoog fãa, tɩ VDP rãmbã ne Buls Zãndarmiiri wã taoor rãmb ka wʋmd taab noor a ye, n tõe n naag taab n zab ne bɛ wã. Koe-baasdgã yɩɩ Sãntr noor nebã na wʋm taaba, la b naag n vʋɩɩmde.
Yaa ANDN taoor soabã a Filibɛɛr BEEMBÃMB n lʋɩ sõasgã taoore. Mise BEEMBÃMB wilgame tɩ gosneem rasem yopopoe seg-taabã pʋgẽ, b goma Buls sorã yelle. B goama pʋgẽ, b wilgame tɩ b zoe n kʋmsa fãa tɩ sa. B paama sorã maaneg ligdi, tɩ pidi, n kell n yãk raar n sɩnge, la gom-bãoones n ket a pʋgẽ. Tɩ bala, Sãagẽ Baraasã koom sẽn ya wʋsgã, a Kʋlwook sorã ka le tõe n dɩk n kẽng Buls ye.
Bãng-mitbã vaeesame n mik tɩ b sã n dat tɩ Baraasã la gudrõ tõoge, rẽnd tɩ b viig gudrõ wã n kẽng Sãagẽ, n tɩ yi Baraasã Diig zugu, n lebg n tũ Sõorẽ, n tɩ yek so-kʋdrã. Boto me: Zʋg ne Pĩisi, la Yẽeg rãmb ka na n paam t’a yi b tẽngẽ wã ye. Yaa rẽ tɩ b yeel tɩ b ka na n sak tɩ b viig-a ye. Sẽn na yɩl n wʋm taaba, sigr kiuug rasem 18 ne a rasem 20 b sega miniisrã, la neb nins sẽn ges sorã tʋʋm vaeesgo, n gom Buls sorã yelle. Seg-taabã pʋgẽ, Pĩis ned n wa n dɩk koɛɛga. A koɛɛgã pʋgẽ, a gomamme n paoog pag ning sẽn maan sorã vaeesgo, n wilg t’a ka tõe n dʋʋg a Kʋlwookã ye. A yeelame tɩ pagã yagda zigi. A sẽn yeelã, miniisrã ne a poorẽ dãmb yikame n dɩk b sɛb n tar loogre.
Yaa rẽ tɩ ANDN sẽn sullã sẽn tʋmd Namendtẽng na yidgã, sullã taoor rãmb yã taab n yeel tɩ rẽnd tɩ b yãk neb tɩ b kẽng n tɩ kos sugri. Mise BEEMBÃMB wilgame tɩ sẽoog kiuug rasem a 2 L’ looge, b pẽnega Bulsnaab n wilg tɩ b na n tɩ kosa sugri. La Bulsnaab sũur yɩɩ noogo, tɩ b ra yet tɩ b na n zẽka b naoor n zĩnd sʋka, la b wa n tʋma Baannaab t’a kẽng b yʋʋr yĩnga. Bãmb ne Baannaab kẽngame, la pagã sũur yɩɩ noogo. A wilgame tɩ b sẽn bool nebã ANDN tik kasengã pʋgẽ wã, yaa sẽn na n wilg-b tɩ b rɩka na-kẽndre, yellã manger wɛɛngẽ. ANDN taoor soabã sẽn taas moorã, neb wʋsg sakame tɩ b yi ne sorã Sãagẽ, tɩ fãa yaa Namendtẽng paoongo.
A Loorã SEDG sẽn da yɩ koobã, la koomã ne a pʋgẽ teedã Miniisr wilgame tɩ Sãagẽ Baraasã yaa Baraas a yiib n soab Zigã soabã loogr poore. Sãagẽ Baraasã na n sõnga Kugpɛɛla, Pʋytẽnga, Zorgo, Bulsa, la tẽns a taab neb tɩ b paam ko-yɩlgemd n yũuda. A Loorã kõo vẽenem wʋsgo. A togsame t’a meng gesã bãngdbã sẽn vaees n wilg tɩ rẽndame tɩ b viig sorã bũmb ning sẽn kɩte. A paasame tɩ b sã n ges sorã, b ra reng n sɩngame t’a na n yii Saalgo, tɩ bãmb yet tɩ yaa Politikã rãmb n dat n viig-a. La rũnda Politik ka be ye. Yaa bãng-mitbã sẽn vaees n yã nind la b sẽn togsã. A Loorã SEDG sẽn goma neb wʋsg wilgame, tɩ b sakame tɩ b viig-a t’a yi Sãagẽ. La b ges b sẽn tõe n yẽs yẽsg ning tɩ b sõng Zʋgo, Pĩisi, la Yẽeg rãmb tɩ b me ra pa zaalem fasɩ ye.Nin-buiidã naaga taab noore, n yeel tɩ b rɩka na-kẽnda, la b ra tiis taaba, tɩ b wa rɩk sorã n toeem zĩig ye. Rẽ poore, ANDN taoor soabã kell n togsame tɩ tẽngã taoor rãmb wilgame tɩ b leb n bee na-kẽndr zugu, n na n ges Buls ne Kaya sorã me gudrõ yelle, t’a sõngdame tɩ b tõe n paam n zab ne nin-wẽnsã, tɩ yõ-koglgã paam pãnga.
Yõ-koglg kaalmã wɛɛngẽ, zama wã kosa ANDN taoor rãmbã tɩ b maan b pãng sẽn tõe, n bõos tẽngã taoor rãmb tɩ b sõng-b ne Kã militɛɛre. VDP rãmbã ne Buls Zãndarmiiri wã taoor soab ka wʋmd taab ye. Tɩ rẽ fãa kɩt tɩ yõ-koglgã kaalmã tar yãngre. Zĩ-kãnga, a Loorã SEDG bõosa ANDN taoor rãmb tɩ b modg n sagl nin-buiidã, tɩ b bãng tɩ nin-wẽnsã raab yaa nebã sẽn na n ka wʋmd taaba. B wek nebã yam tɩ b zãag b mens ne Reezososo rãmb pʋs kibay t’a ka sõngd zabrã na leb poorẽ wakat kẽer ye. Buls biig a ye sẽn ya Zãndarma, a DAMIBA Sʋle paasa a Loorã SEDG gomdã zugu. A wilgame tɩ b sagl nebã, tɩ bãng tɩ bɛ wã tũnugda tẽngã kamb sẽn dɩkd yalã n mi n dogend taabã t’a raabã pitẽ. Bɛ wã tõe n kãna nebã ne taab tɩ b ka tol wʋm taaba, n tõe n naag noor a ye n zab zabrã ye. Koees sẽn be wã pʋgẽ Sɩdnooma Yisɛka KABOOR togsame tɩ sẽoog kiuug rasem 29 sẽn watã Busum Dĩm a Sigri ne Kagdinall Filip WEDRAOOGO, la a Rasmaane SÃANA n paas soolmã nin-bɛd na n zĩnda ne taab Kaya, n ges b sẽn maan toto, tɩ nin-buiidã zems taab n vʋɩɩmde.
Pẽgdwẽnde Erik Zĩnaaba
L’ANDN a tenu son Assemblé général
Le dimanche 16 juillet 2023 L’ANDN a tenu son assemblé général à la maison de la jeunesse et de la culture de la commune de Ouagadougou. Plusieurs points ont été abordé lors de cette rencontre à savoir, le bitumage de la route Boulsa -Pouytenga qui trouve des difficulté suite à l’opposition de certains villages. Il a été également question de l’insécurité qui entraine une mésentente entre les VDP et les responsables de la Gendarmerie de Boulsa et enfin la cohésion entre les habitants du Namentenga.
C’est le président de L’ANDN Fulbert BEMBAMBA qui a présidé la rencontre. Pour Monsieur BEMBAMBA, lors du conseil hebdomadaire des ministres la question du bitumage de la route de Boulsa, selon le gouvernement tout est fin prêt pour le début des travaux sauf quelques difficultés suite à la saison pluvieuse qui vas rendre difficile l’accès du site.
Selon les techniciens, pour que le goudron puisse passer au niveau du barrage, il faudra qu’elle passe par Sangin pour ensuite passé sur le digue du barrage, pour rejoindre l’ancienne route, donc elle ne va pas passer par les villages de Zuugo, Piisi et Yinga, ce contournement à occasionner l’opposition des habitants de ces villages. Les 18 et 20 juin 2023, les techniciens et le ministre en charges des infrastructures ont discuter sur la question, cette rencontre s’est terminé en queue de poisson suite à l’intervention d’un habitant de Piisi à l’endroit d’un des techniciens. C’est ainsi que L’ANDN qui se soucis du développement du Namentenga a délégué des gens pour une médiation. Monsieur BEMBAMBA a souligné que le 2 juillet passé ils sont allés informer au chef de Boulsa de la demande du pardon. Plusieurs solutions ont été prises pour la résolution du problème.
Pour l’ancien ministre de l’agriculture et des ressources hydraulique Laurent SEDEGO, le barrage de Sanguin est le deuxième après celui de Ziga. Ce barrage va aider les villes de Pouytenga, Zorgo, Boulsa et d’autres villes en eau potable. Pour lui il a suivi les travaux des techniciens concernantpà la route, au début elle devait passer par Saolgo et à l’époque la question de la politique était souligné mais de nos jours, il n’yas plus de politique, donc c’est le résultat du travail des techniciens. Après l’intervention de Laurent SEDGO, les gens se sont mis d’accord sur la question et ils souhaitent trouver des solutions pour faire profiter les localités de Zuugo, Piisi et Yinga. Le président de L’ANDN a également évoqué la question du bitumage de la route Kaya-Boulsa. Cette route va jouer sa participation sur la lutte contre le terrorisme.
Sur la question de l’insécurité, les participants de cette assemblée générale ont demandé aux responsables de L’ANDN de plaider auprès du gouvernement pour l’installation d’un camp militaire dans la province. Suite aux mésentente entre les VDP et les responsables de la gendarmerie de Boulsa Laurent SEDGO à demander aux responsables de l’ANDN de sensibiliser la population à s’entendre et de faire attention aux informations sur les réseaux sociaux, car ces informations sont souvent sources de division, et la division donnes la force aux terroristes. Même son de cloche pour Soule DAMIBA, un gendarme ressortissant de Boulsa. Pour lui l’ennemi profite des mésententes pour ses mésaventures. Enfin, Issaka Sidnooma KABORE a donné une information sur une rencontre prochaine des autorités fils de la région à savoir le Cardinal Philippe OUEDRAOGO, Rasmane SANA et d’autres avec le Dima de Boussouma. Cette rencontre va se tenir le 29 juillet 2023 sur la cohésion et le vivre ensemble des fils et filles de la région.
Pengdouendé Eric Zinaaba
