par Sapaolg kiuug rasem 12 yʋʋm 2025 soab na-zakẽ wã tʋʋm-noor ning sẽn zabd ne :ninsaal yam daabã ne wẽgbã, la tʋʋm kɛg buud toor-toor sẽn tõe n wa tiis tẽngã taoor kẽnd tɩ b boond tɩ Koraaga, taoor soab a Faruk Azarya Sorg leb n yii Telvzõ nasnall yʋng wakat 9h00 n karem Koraagã mooneg a tãab soaba. Moonegã pʋgẽ, a wilgame tɩ tẽngã soab ne a gosneema la tʋʋm-noy buud toor-toor sẽn zabd wẽgbã, la b zabd ne nin-wẽnsã la ninsaal yam daabã, n maod ne kɛgã na leb poorẽ, tẽngã burkĩnd lebg n wa a zĩigẽ wã, wẽgdb sull n baas n ket n be doandã la bʋ-kaoodbã tʋʋm-noorẽ. Doane wã neb piig la a zak n da be be n deesd yaood tus pissi, n digd tus pis-tã neb nins sẽn yit tẽn-kɩrensẽ wã n wat ne laog gaolen-tẽngẽ wã Waogdgo, la b rãmbã yaool n tar b sɛba.
A wilgame tɩ yʋʋù sigr kiuug 2024 b ra kẽnga ne gomdã bʋʋdo, tɩ bʋ-kaoodbã yeel tɩ kaset ka be ye. Sa-sik kiuug rasem 27 yʋʋm 2025 b leba ne gomdã, la vaeesgã sẽn maana, b wa n mikame tɩ bʋ-kaod-bɛd la bʋ-kaod-bãoones n kẽes b nug ninsaal yam daabã wɛɛngẽ, tɩ b ne doand dãmbã ra rat n sãam bʋʋdã tɩ gomdã kell n sa. La sẽn zĩig sẽn ka zemse, b mikame tɩ neb nins sẽn tɩ togs tɩ b gũus n bãng zãmbã rãmba, b togsa sẽn ya b rãmba. B sẽn togs kibarã kɩtbã, a yaa bũmb sẽn tõe n wa ne zu-loees b yõya koglg wɛɛngẽ. APẽndwẽnde Erik Zinaaba
