Namendtẽng reem-rɛɛmdbã saka b miniisrã boolle

Yaa wa moos sẽn maan b kibare:”sagb kaoos n wa ka yell ye, a we n da vaale”.  Tʋʋl-nif kiuug rasem 11 yʋʋm 2024 soabã, Namendtẽng kamb nins sẽn yɩɩnd-ba, sẽn gʋlsd-ba, sẽn maand-b sĩnmã,  la sẽn tar-b tʋʋm-minim buud toor-toor b zu-kalkõt pʋgẽ,  n tõe n kẽ n yãk n tʋm n yiis n wilg dũni rãmba, tɩ b boond-b tɩ reem-rɛɛmdbã sega taab Waogdg Arõndiisma 4, na-kʋdr a Zãmbatiis WEDRAOOG Kilinikã sɛɛga, Buls biig a ye sẽn tar a Maki tɩ boond tɩ Kõnsɩla Namentenga, n na n leok kʋdemdã miniisr a Rĩmtallba Zã-Emanwɛll WEDRAOOGO, sẽn yãk yam n boond reem-rɛɛmdbã  tɩ b kẽes b toogo, tɩ ned kam fãa kɩs a nug sẽn tare, tɩ b rɩk n kɩs tẽngã zãadba, tɩ b paas n sõng b mense, tɩ d zab zabrã n paam n tõog d bɛɛbã. Tʋʋmdã sigind yaa reem-reem-gãndaoog a Salif SÃANA tɩ b boond t’a SÃANA BOOBO, n paas Tukẽ Manegrnaab a Kistokõeebre, b sẽn yãk tɩ b ya Namendtẽng reem-rɛɛmdbã sagenda. Yaa bãmba, neb a taab sẽn ka maand reemã tʋʋmd n zẽk b naoor n zĩnd tɩ tʋʋmdã tʋme.

Tʋʋmdã ba-yãkdg yɩɩ Namendtẽng kambã lagem-n-taar sull sẽn get tẽngã yidgr tɩ b kʋʋg koɛɛg n boond tɩ “ANDN” taoor soab a Filibɛɛr BEEMBÃMBA.

A Filibɛɛr BEEMBÃMB koeesã pʋgẽ, a wilgame t’a sũur yaa noogo, tɩ bala, sã n ges a Rok Mark Kiristẽ KABOOR wakatẽ: Burum, Tugri, Nagbĩungu, Tafgo… tẽn-kãens fãa ra ka tat ye, n tall n wa tãag a  Yɩbrayɩɩm TARWORE sẽn wa n deeg naamã. A ra yaa bũmb sẽn namsd Namendtẽng kambã fãa tɩ b ra ka mi b sẽn na maneg n paam yellã tɩɩm ye, la rũnda-rũnda, bʋkdame n kẽnda. Rẽ yaa bũmb sẽn sek Wẽnd pẽgre.

A Filibɛɛr BEEMBÃMB wilgame tɩ sã n kell n kẽng woto, na n saame tɩ d paam d mense.

Sã n ya ne a Dominik SƲƲDRE, mam sẽn pẽnege, a wilgame tɩ yaa miniisrã n maan a yam yãkrã, n bool Sãntr noor reem-rɛɛmdbã tɩ b kẽes b toog n lob lagf-lagfo, tɩ b rɩk n kõ tẽngã zãadba, tɩ b sõng-b mense, n zab ne bɛɛbã, tɩ d paam n yi naong ning pʋg d sẽn be wã, la yembdã pʋga, tɩ d burkĩndã lebg n wa a zĩigẽ. A wilgame tɩ Sãnematẽng la Bam rãmb me na n loba b zĩigẽ, n tall n wa tɩ b seg taab kiuugã rasem 19 n dɩk n ning miniisrã nugẽ, t’a reeg n taas a sẽn segd n ta b rãmba. Tukẽ Manegrnaab a Kistokõeebr n yɩ pipi n pak lagd lobrã kʋɩlense, tɩ nebã ra tar tongre, n kẽnd n ningdẽ tɩ moos yeelame tɩ “tẽng-n-ned n tõogd yʋng tãoongo. “Buud gomde me, buud n kelgda”. Yaa ligd sõor sẽn t’a wakir 87480 la b paam yã.

A Pẽgdwẽnde Erik Zĩnaaba

Soutien Patriotique : les acteurs culturels du Namentenga répondent à l’appel du ministre de la culture

Comme le dit un adage Moaaga « le temps que l’on met avant d’avoir du tôt n’est pas le problème pourvu qu’on arrive à l’obtenir » le Jeudi 11 Avril 2024, les différents acteurs culturels de la province du Namentenga se sont rencontrés dans l’arrondissement 4 de Ouagadougou dans le maquis « consulat du Namentenga » pour répondre à l’appel du ministre Rimtalba Jean Emmanuel OUEDRAOGO. Le ministre de la culture a appelé les différents acteurs culturels a contribué pour aider les autorités du pays à lutter pour la reconquête du territoire national. Les initiateurs de cette rencontre sont Salif SANA dit SANA Bob et le Manegr Naaba de Toukin Kistokoimbre, conseiller des acteurs culturels du Namentenga. 

C’est Monsieur Fulbert BEBAMBA, président de L’ANDN qui a été le parrain de cette rencontre de collecte de fonds. Il s’est réjouis, car pendant le régime du président Rock KABORE, les localités comme Tougri, Nagbiougou, Tafgo… était isolé, chose qui compliquait la vie de la population de la province, depuis l’arrivée du Capitaine Ibrahim TRAORE, les choses vont de mieux en mieux et il faut rendre grâce à Dieu, car cette crise tire vers sa fin.

Pour Monsieur Dominique SOUDRE, c’est le ministre qui a eu l’idée et il a fait appel aux acteurs culturels de la région du centre Nord a contribué pour aider les autorités à lutter pour la reconquête du territoire, et pour que la Paix revienne au Burkina Faso. Les artistes de la province du Bam et du Sanmatenga vont eux aussi cotisé pour enfin réunir le tout et remettre au ministre dès le 19 avril prochain.  C’est le e manegr-naaba de Toukin Kistokoimbre qui a ouvert les portes de la cotisation et s’en est suivi les autres. C’est la somme de 437 400 Francs CFA qui a été collecté au terme de la rencontre.

Pengdouendé Eric Zinaaba