par Wao-fugdg kiuug rasem 24 yʋʋm 2025 soabã pʋgẽ, ministɛɛr ning sẽn get karen-bi-bãoonesã la buudã goam na kẽng taoor tʋʋm-noor ning sẽn tʋmd buudã goam na piuugã yãka Waogdg Samandẽ, “BCD’ Ekoall a ye b sẽn yãk n zãmsd kambã buudã gaom kaorengo, la a gʋlsgo, ne nasaara wã goam kaoreng zĩiga, n tɩ yaas n kõ sore, tɩ b na n maan nin-sabls tẽnsẽ buudã goam ra-yopoende. Rasem a yopoe wã pʋgẽ, yaa tõnd sẽn dog ne goam ninsã la b na n zĩnd ne taab n ges b sẽn tõe n gãneg soay nins n tõog t’a yɩ yidgrã la taoorã kẽnd zab-teoogo, nin-buiidã fãa yĩnga. B sɩnga buudã ra-yopoendã arzũma wao-fugdg kiuug rasem 21 n na n tall-a n tɩ tãag kiuugã rasem 26.
Burkĩna Faso rãmb yãka gom-zu-kãngã: Buudã goam kaoreng la a gʋlsg na kẽng taoor yĩnga, bɩ ned fãa kẽes a meng t’a yɩ sabaab n pak tɩlgr la yidgr sor n kõ nin-buiidã fãa. La sã n ya ne Reezõ di sãntrã, bãmb tika : Buudã goam kaoreng na kẽng taoore: A yõod paoongo, la a alkaol rɩkr ne nin-buiidã yidgr yĩnga.
Bũmb nins sẽn wa ne koe-zutã yãkre, b wilgame tɩ buudã goam kaoreng gʋlsg sɩngr zãrame. A yaa sabaab tɩ neb kẽer tar-a n tʋmd nafd b mense, tɩ rẽ zoe n wilgdẽ t’a yõodã waoogame. La b sã n leb n na n ges yɩɩga, b mikdame t’a karemdbã sõor ka waoog ye. Rẽ fãa wilgda vẽenega, tɩ buudã goam kaoeng bãngr kom la ko-yũud ket n tara nin-buiidã. Neb sẽn namsd a pʋgẽ yaa kom-bɩɩbã. Burkĩna Faso kamb sõor na ta pisopoe la a zak n ket b ka mi b buudã goam kaoreng la gʋlsg ye.
La b gesame n mik tɩ Fãrendã goam kaoreng la a gʋlsg me sɩngr zãrame. La ba ne rẽ fãa nin-buiidã ket n ka tõe n yidg b mens ye.
B ka tõe n yidg b mensã yãgre, yaa Fãrendã sẽn ka b buudã goama. Yaa rẽ la b yãk rasem a yopoe tõre, n na n zĩnd n tags buudã goam kaoreng la a gʋlsg zugu, n bao yam n pʋɩ taab tɩ zu-loɛɛgã yã tɩɩm. Sẽn sigl-b ra-poendã rãmb wilgame tɩ buudã goam kaoreng sõngda biig t’a yam weke. A leb n sõngda ned t’a ket n tar waoor ning a sẽn dog n mik tɩ nebã waoogd taab toto wã.
A Hawa Sawadgo, miniisrã sẽn yãk ned ning t’a be Ministɛɛrẽ wã n get buudã goama wilgame tɩ buudã goam kaoreng sõngda ned buud fãa t’a mi ned sẽn yɩɩd-a la a waoogd-a. Tẽegre, yaa yʋʋm 1961 la b sɩng-a, n da dɩkd-a n kẽesd Ekoallsẽ wã, la a ka zãag zĩig ye. Sẽn leb n wa ta yʋʋm 1979, b leb n waa ne-a, yẽ ka zãag zĩig ye.
Rẽ fãa wilgdame tɩ buudã goam kaoreng la a gʋlsgo, b ra ka rɩk-a n lʋɩɩs taoor boto ye. Tɩ bala, nasaara wã belga nin-buiidã n yãk bãensã a sẽn da sog b nusã la b nao wã, n leb n kẽ b zutẽ wã n soge. Rẽ kɩtame tɩ b ra yetẽ tɩ yaa nasaara wã buud gomd bal n tõe n sõng-b tɩ b yidgi. La Kapitɛnd Yɩbrayɩɩm TARWOOR ne gosneer yãka yam n dɩk-a n lʋɩɩs taoore, t’a be tẽngã tẽn-kugr pʋgẽ. Rẽ yaa paoong ne burkĩn buudã fãa.
Burkĩna Faso rãmb kɩdemda buudã goam ra-kaseng b sẽn boond tɩ nin-sabls tẽnsẽ buud goam ra-yopoende. Nin-sabls tẽnsã zãng yãka gom-zu-kãngã: Nin-sabls tẽns buud goam sẽn na n sõng tɩ nebã paam yẽsg ne taaba, la lagem-n-taar ne taaba, tɩ tõnd tõog n me Afrik ning tõnd sẽn datã.
Waogdg soolmã komber tʋma ned t’a wa b yʋʋr yĩnga. Koeesã rɩkr pʋgẽ, nin-kãng soabã wilgame tɩ ra-kasen-kãngã tʋlsem yaa nin-sabls tẽnsã zãadb na naag taab noor a ye sũur a ye, tɩ b kambã paam buudã goam kaoreng la a gʋlsgo, n lebg n bãng b yaab rãmbã soalma, b sɩɩlse, b kibaya, la b yel-bũn gãnegre. Yaa neb ka tɛk n zĩnd zĩigẽ n dɩk koees buud toor-toore. Ekoallã karen-biis maana reem la Tayatr sẽn tar seem tɩ nin-buiidã naag taab n gese. Zʋgnall Rãamd taoor soabã karma Ekoall Samandẽ. Sẽn na yɩl tɩ kamb nins sẽn ledg bãmb zĩigã tõog n paam buudã goam n yãag b mense, a Rãamd taoor soabã a Yɩrɛne TẼEDRBEOOG kɩsa Zʋgnall Rãamde la kaoreng sebr sẽn boond tɩ “Nonglem yaa bãaga”, tɩ ministɛɛrã taoor rãmb reeg n kõ Ekoallã karen-saam-dãmb ne b karen-biisi, la b yãk n pʋɩ zãma wã sẽn da be zĩigẽ wã. M kota Wẽnd tɩ b yãag neb nins fãa sẽn tʋmd buudã goam kaoreng la a gʋlsg na kẽngrã, tɩ b tõog n tʋm n pidis tẽngã taoor rãmb yam yãkrã.
A Pẽgdwẽnde Erik Zĩnaaba
Le Burkina Faso a commémoré la semaine des langues africaines
Le 24 février 2025, le ministère de l’éducation nationale de l’alphabétisation et de la promotion des langues nationales a commémoré la semaine des langues africaine. La cérémonie a eu lieu à l’école Samandin « B, C, D » ou les élèves vont bénéficier des cours en langues nationales.
Durant une semaine les acteurs des langues nationales vont se réunir à travers des panels et des différents échanges pour la promotion des langues nationales. Le thème retenu est : Promotion des langues nationales : enjeux et engagement pour un développement communautaire.
L’idée du thème est venue du fait que l’alphabétisation a commencé il y’as bien longtemps et bon nombre de personne s’épanouissent à travers la promotion des langues nationales, on constate également la volonté des uns et des autres à s’orienter vers les langues nationales.
Pour Madame Awa SAWADOGO chargé de la question des langues nationales au ministère, l’éducation de la langue nationale dans les écoles inculques le respect de l’ainé aux enfants. En rappel c’est dans les années 1961, que les langues nationales ont été introduites pour la première fois à l’école, mais cela n’as pas prospérer jusqu’en 1979, date à laquelle, elles ont été réintroduites mais toujours sans succès préalable. Tout cela montre que les langues nationales n’ont pas été considéré car le système colonial avait déjà pris le dessus. Mais grâce à la vision du gouvernement du Capitaine Ibrahim TRAORE, les langues nationales sont maintenant des langues officielles dans la constitution du Burkina Faso, chose qui réjouit ses acteurs.
Pour la représentante du gouverneur de la région du centre, la semaine africaine des langues nationales se veut être un canal par lequel les Burkinabè vont s’intéressé à leur langue nationale, en cherchant à apprendre l’écriture et la lecture dans leur propre langue.
Le Directeur du Journal raamde étant lui-même ancien élève de l’école Samandin a apporté des journaux et des livres en langues pour l’apprentissage des enfants.
La Semaine des langues africaines a débuté le 21 février 2025 et vas s’étendre jusqu’au 26 février 2025.
Pengdouendé Eric Zinaaba
