par Sapaolg kiuug rasem 23 yʋʋm 2023 soabã ADRCN sẽn ya Sãntr noor kambã lagem-n-taar sull tɩ b boond tɩ Asosɛsẽo Lagemtaabã talla sɛk ne b soolmã kamb kẽere. Seg-taabã võore, yaa ADRCN Lagem-taaba, ne Liniyãopʋʋrledevelopemadelaporvẽesdisãnematẽnga tɩ b kʋʋg koɛɛg n boond tɩ UDPS Natigimzanga, n paas Asosɛsẽo Nayɩneerepʋʋrledevelopemadelaporvẽesdinamentẽnga tɩ b kʋʋg koɛɛg n boond tɩ ANDN, la lagem-n-taar sula a taab sẽn be Bam soolmã, n get Bam porvẽesã yidgri. Sula kãens fãa naaga taab noor a ye, la sũur a ye, n yãk sapaolg kiuug rasem 30 n ta yʋʋm-sar kiuug rasem a tã yʋʋm 2023, Sãntr noor kambã sẽn be Waogdgã zĩnda ne Miize nasnallã zak pʋga. Ya b soolmã kamb na paas b nonglem ne taaba, la b zĩnd-n-taarã sõmblem pãnga. Yaa rẽ tɩ b yãk tɩ wakatã ya zĩnd n yẽse, n bao yam-dãmba, b soolmã na yidgi, la a nin-buiidã me na zems-taaba, n naag taab n zab ne yõ-kaalmã.
Gom-zug b sẽn tiki, yaa « Sãntr noor kambã tik b kʋdemdã la b rog-n-mikã, n tõog n kɩt tɩ b soolmã yi yõ-koglg kaalmã pʋgẽ». Bũmb ning sẽn kɩt tɩ b na n maan raarã, yaa sẽn na yɩl tɩ b tõog n seg taaba, n bãng taab n paase, la b rɩ rogem noogo . La sẽn na yɩl n paas wakatã b sẽn yãk na n seg taab n sõsã yamleoogo, b maana Rasãndaaga. La b yãka yam tɩ na n yɩ Sãntr noor soolmẽ wã rɩ-rãmbã la bũmb nins fãa b sẽn maand Sãnematẽnga, Namendtẽnga, la Bam soolmã pʋgẽ, la zãna rɩkd-b na n koose. Rasem a tãabã pʋgẽ, b na n dɩka koees buud toor-toore. Koeesã fãa yaa nin-buiidã na wʋm taab n vʋɩɩmde, la sugr koeese. Koeesã rɩgsg poore, b na n gilgame n ges zãna.
Siglgã taoor rãmb wilgame tɩ b ratame tɩ Sãntr noorã kamb wa ne b pagb la b kamba, la b zo-rãmba. B ratame tɩ tall b kambã tɩ b wa ges tõnd kʋdem-teedã sẽn be zakã pʋgã. Rasãndaagã ka yaood n kẽ ye. La kẽ n ges Miize wã pʋg teedã yaoodame. ADRCN rãmb tʋlsmã ya b mao n paas soolmã kamb zems-taaba, la b wʋmd-n-taarã pãnga, Burkĩna Faso wen-vɩɩsã pʋgẽ. “Zabr yikd beoog ka kõt weef ki ye”.
Sẽn na yɩl n bãng siglgã kẽnd toto, b sega taab sapolg kiuug rasem 23 yʋʋm 2023 soabã, Waogdgo, Miize nasnallã zak pʋga. Koeesã rɩkr pʋga, a Sɩdnooma Yisɛka KABOORE, ADRCN taoor soabã wilgame tɩ Busum Dĩma a Sigr sakame n na n sõng-ba. Tigrã ba-yãkd-kaseng yaa Busum Dĩma a Sigri, tɩ Kagdinall Filip WEDRAOOG ne a Loorã SEDG pʋgda, la Bam soolmẽ wã b ra nan ka paam ned ning b sẽn na n yãk t’a paasã ye. A wilgame tɩ sõandb kẽer n zoe n pʋlmame tɩ b na n kõ-b-la ligdi, tɩ kẽer pʋlem tɩ b na n sõng-b-la ne reem-teedo, mobile, la bũmb buud fãa b me sẽn tõe n paam n kõ-b tɩ b reeg n segl tigrã. Reem-rɛɛmdb na n zĩnda sʋka, la yaood kae ye. Yaa reem-rɛɛmd fãa reem n wilg a bãngre, tɩ zãma wã bãng-a n paase. Lamusã ne arzũma reemã rãmb na n sɩnga zaabr wakat a naas sasa, n tãag yʋng wakat a nii. Sibrã ne hatã, b na n sɩnga zaabr wakat a yoob sasa, n deem n tɩ sik yʋng wakat a nii. Kibayã kɩsg wɛɛngẽ, saagr be, tɩ b na paam yãagre. MISE BAAGMOOG sẽn ya Savand fm kiba-kɩtã pʋlmame t’a na n kẽes a toog n kos Savand fm la Savand Tv tɩ b yãag-ba. Sõasgã yɩɩ gom-n-kõ-taaba, tɩ ned fãa bãng siglgã sẽn be zĩig ninga.
Pẽgdwẽnde Erik Zĩnaaba
La culture peut contribuer a lutté contre l’insécurité dans la région du centre Nord.
Le 23 Novembre 2023, l’association lagemtaaba des fils et filles du centre Nord a eu un échange avec certains fils de la région. Cette rencontre a réuni plusieurs associations de la région du centre nord à savoir l’union pour le développement de la province du Namentenga (UDPS), l’association Natigmzanga, l’association nayineere pour le développement de la province du Namentenga (ANDN) et d’autres associations œuvrant pour le développement de la province du Bam. Toutes ces associations ont choisis la date du 30 Novembre au 3 Décembre 2023 pour organiser une journée des communautés dans la cour du musée national à Ouagadougou. Le thème retenu pour cette cérémonie est « Contribution de la culture à la résilience de la population de la région du centre nord aux défis sécuritaires ». L’objectif de cette journée des communautés est rapproché les fils et filles de la région afin qu’ils puissent se fraterniser. Des stands seront disponibles pour permettre aux ressortissants de la région d’exposer les différents produits de la région. Des messages de paix, de cohésion sociale et de vivre ensemble seront transmis aux fils et filles de la région du centre Nord tout au long de l’activité.
Les organisateurs de la cérémonie invitent les ressortissants à sortir nombreux avec leurs enfants pour que ces derniers puissent se familiariser avec la culture de leur terroir. L’objectif de la rencontre du 23 novembre 2023 est de faire la lumière sur le déroulement de l’organisation de la journée des communautés. Pour le président de L’ADRCN, le Diima Sigri de Bousma a donné son accord pour parrainer cette cérémonie, avec le co-parrainage du cardinal Philippe OUEDRAOGO et de Vincent SEDEGO. Pour le président d’autres partenaires ont déjà promis des appuis financiers et matériels pour le bon déroulement du matériel. Un plateau artistique seras mis en place et plusieurs artistes passeront pour prester. L’entrée est gratuite. Le jeudi et le vendredi l’animation du plateau artistique débuteront à partir de 16 heures à 20 heures. Le samedi et le dimanche le plateau commence à partir de 18 heures et prend fin à 20 heures. Au niveau de la communication, l’espoir a été donné par Monsieur BAMOGO de savane médias qui promet l’accompagnement de la radio et de la télévision. Dans les échanges, les détails de l’organisation ont été présenté.
Pengdouendé Eric Zinaba
