par Yʋʋm-vẽkr kiuug rasem 12 yʋʋm 2023 soabã, sull kaseng ning sẽn tigsd Burkĩna Faso nus-tʋmtʋmdbã buud toor-toor b sẽn boond tɩ Sãmbr de metiye e de lartizana wã maanda b seg taab kasengã, a vuk a yiib soaba. Tigs-kaseng a yiib soabã pʋgẽ, yaa nus-tʋmtʋmdbã taoor dãmb n yi Burkĩna Faso reezẽo rãmbã pʋsẽ n wa Waogdgo, Burkĩna Faso na-tẽngã pʋga, tɩ b naag taab n na n ges b sẽn tõe n sigl b tʋʋma, toto tɩ b sullã tõog n kẽng taoore. Tigsgã sɩngrẽ, b boola sullã neb yʋya, sẽn na n yɩlẽ n bãng neb nins sẽn zẽk b naoore n wa tigs-kasengã. Yʋyã boolg loogr poore, sullã taoor soaba a Zermend KÕMPAOOR rɩka koɛɛg n pʋʋs nebã fãa ne-b waoongo. Rẽ poore, a pʋʋsa sullã ne b yʋʋm-paall taabo. A sẽn wa n na n sɩng sõasgã, a kosa nebã fãa tɩ b yik n yals bilfu, tɩ b tags sullã pʋgẽ, tʋmtʋmdb kẽer sẽn maan kaalem nin-wẽnsã tʋʋm-yood sabaabo.
A koeesã pʋgẽ, a pʋʋsa neb nins fãa sẽn zĩnd sullã taoore. A pẽga sull ning sẽn tʋme, tɩ yʋʋm 2023 soabã tigsg na n tõog n maanã. Kell n yɩɩ wakat b sẽn dɩk b waoor kũun sɛb n taas neb a nu sẽn zĩnd n zã sullã wakat sẽn loog pʋgẽ. Sullã taoor soab wilga a sũ-noog ne tigsgã sẽn tõog n zĩndã, la a wilg tɩ tigs-kãngã pʋgẽ, b na n lebg n gesa tʋʋm nins b sẽn tʋm tɩ loogã , la b tags na-kẽnda a taab zugu, n tõog n sigl tɩ sẽn watã yɩ neere.
Sẽn yɩɩd fãa tʋʋm, nins b sẽn da wilg tɩ b na n tʋma yʋʋm 2022 soabã pʋgẽ wã, la b na n gese, bʋg n pidi, la bʋg n ka pidi. B leb n na n gesa arzɛk ning b sẽn da wilg tɩ b na n dɩk n tʋmame wã sã n sɩd tõog n sekame.
Rẽ poore, b na n ges bũmb nins sẽn paoog yʋʋmd ning sẽn loogã tʋʋm pʋgẽ. A Zermend KÕMPAOOR kẽnga taoor n paas tɩ tigs-kãngã pʋga, b na n gesa b sẽn tõe n sigl tʋʋm nins yʋʋm 2023 wã pʋgẽ, tɩ Sãmbr de metiye wã tʋʋm kẽng taoore. B na n kell gesa ligd sõor b sẽn na n dɩk n kẽes yʋʋm 2023 tʋʋm pʋgẽ.
Sullã taoor soab kẽnga taoor n leb n paas tɩ yʋʋm 2023 soabã pʋgẽ, b ratame n paas b sullã neb fãa bãngre. Bala, b bãngrã sã n paase, a na n yɩɩ sabaab tɩ b tõog n paas b tʋʋma sõmblem. Rẽ sã n tõog n yɩ, b tõe n tʋmame tɩ neb nins fãa sẽn tar nus-tʋʋmã tõog n gʋls b yʋy n kẽ sullã pʋgẽ. A wilgame tɩ rẽ sã n yɩ, a yaa kaset sõng b sẽn tõe n tik n wilg tɩ b sɩd tara nus-tʋmtʋmdba. A leb tõe n sõng-b lame tɩ b tõog n sɩd gãd taab nus n tʋme. Sẽn kẽed ne sʋndã fut sẽn yit zamaan-zẽns n wat n sãamd Burkĩna Faso sʋn-wogdbã raagã, sullã taoor soab wilgame tɩ yaa bũmb sẽn sɩd komsd b tʋʋmdã, la b na n dɩka na-kẽndre tɩ reezẽo rãmb nins sẽn ya sabaab n kɩtdẽ tɩ fu-yoodã kẽed Burkĩna Faso wã bɩ b lebs b tʋʋmdã poorẽ tɩ rẽ n na n sõng tɩ fu-yoodã waoong kolg weoogo.
Yaa tʋʋm buud toor-toor la b na n tʋme, la b pʋɩ taab yam, la b yaool n kõ taab sɛk tigs-kaseng a to sẽn wate.
A Pẽgwẽnde Erik Zinaaba la a Zɩll Kafaando
La chambre des métiers et d’artisanat du Burkina Faso fait sa deuxième assemblée générale
Le Jeudi 12 Janvier 2023, la chambre des métiers et de l’artisanat du Burkina Faso CMA-BF a réunit ses élus consulaires des différentes régions du Burkina Faso pour sa deuxième assemblée générale de la troisième mandature.
A l’ouverture de l’assemblée, Madame Germaine COMPAORE/ BONKOUNGOU, présidente de la CMA-BF a salué la présence des membres et elle a souhaité ses meilleurs vœux pour l’année 2023.
Avant sa prise de parole une minute de silence a été observé en mémoire des victimes des attaques terroristes. Dans cette deuxième assemblée générale des anciens dirigeant de la CMA-BF ont été honoré et on reçus chacun une attestation, ce sont cinq présidents d’honneurs et un président honoraire. Selon la présidente de la CMA-BF cette assemblée générale vas permettre de faire le bilan des différentes activités menées l’année écoulées. Pour elle, l’année a été difficile avec la situation que vit le Burkina Faso, mais avec la signature de l’accord cadre la chambre a eu des engouements à travers les différents marchés que les ministères lui ont attribués. La présidente souhaite qu’en 2023 la capacité des acteurs de la chambre soit renforcé afin de répondre aux différentes commandes publiques surtout dans le domaine de l’artisanat . il est également question de voir le budget à adopter pour l’année 2023 lors de cette assemblée selon la présidente. Concernant les pagnes tissés qui ne sont pas du Burkina Faso et qui viennent inondé le marché, madame Germaine affirme que des mesures seront prises pour sanctionner les régions qui s’investissent dans cette pratique qui n’honore pas les artisans Burkinabè. Plusieurs résolutions et propositions seront prises lors de cette deuxième assemblée générale.
