par Wao-fugdg kiuug rasem a 4 yʋʋm 2024 soabã, Waogdg diyosɛɛsã Kiris neb maana b yʋʋmd-yʋʋmd fãa tẽeb-so-toakã Yagem tãngã zugu. Gom-zug b sẽn tiki, yaa «Kiris ned fãa tʋm a tʋʋm pakr tigung pʋga, la a zamaanã pʋga». Yɩɩ Musoyẽer Prospɛɛr KÕNTẼEBO Waogdg tigung roog ba n lʋɩ pʋʋsgã taoore. Musoyẽer Mikayɛll KOROTI Pap no-rɛɛsã, Musoyẽer Zãnmaari KÕMPAORE, pɛrɛtr dãmb ka tɛka la tẽngã taoor dãmb kẽer zĩnda sʋka.
Nand tɩ b sɩng Meesã, b reng n maana pʋʋsg ning b sẽn boond tɩ Loodã . Pʋʋs-kãng poore, b talla a Maryam sõng nin-naandã ne yɩɩla n yãag nin-buiidã n tɩ zĩnigi. Musoyẽer Prospɛɛr KÕNTẼEBO sẽn lebg Waogd tigungã roogã ba tɛka, yaa pipi, b sẽn lʋɩ pʋʋs-kaseng taoore. Rẽ kɩtame tɩ b reeg-b sãando Yagem Dĩmpoakã taoore. B sẽn yũ b sãand koom n sa, b rɩka Marwall n bas t’a yɩke, n wilgdẽ tɩ b ratame tɩ Burkĩna Faso lebg n paam laafɩ.
Meesã sɩngrẽ Labe Alferɛɛd WEDRAOOGO, Waogd tigungã roog vikɛɛr zenerall rɩka koɛɛg n pʋʋs tẽngã taoor dãmba, la neb nins fãa sẽn zẽk b naoor n be tẽeb-so-toakã pʋgẽ.
«Kiris ned fãa tʋm a tʋʋm pakr tigung pʋga, la zamaanã pʋga». B sẽn tik gom-zu-kãng n maan Yagem tẽeb-so-toakã yaa sẽn tũud ne Layikã rãmb yʋʋmd baaosgo, la koe-noogã sẽn wa Burkĩna Faso yʋʋm 125 kibs pakre. Rõanda Yagem tẽeb-so-toakã, b maand-a-la yʋʋmdã pʋg dɩmaas a nu soaba. Wẽnd gomdã yɩ a Mark sõng sebrã pʋga, a gom-dulg ning sẽn togsd t’a Zeezi sãooga a Piyɛɛr reem-pokã. Gomdã wɛgsg wakate, Musoyẽer Porspɛɛr wilgame tɩ Wẽnd gomdã wilgda kiris ned buud fãa segd n tẽemet’a Zeezi sãooga bãase. La ya a Zeezi n tõe n deeg ninsaalbã zu-loeese n taas Wẽnde.
B wilgame tɩ b sã n tik kaorengã, kiris ned fãa segd n talla tẽebo. Musoyẽer kosa kiris nebã tɩ b tʋm tẽebã tʋʋma. B kẽes b mens tigungu, la zamaanã tʋʋm pʋgẽ. B modg tɩ zemsgo, la manegr buud fãa zĩnd bãmb ne ninsaalbã sʋka, tɩ boto, d zamaanã na n lebga laafɩ la kõt taab sɩd zamaana.
Musoyẽer togsame tɩ ninsaal tʋʋm pʋgẽ, a segd n yãka wakat n vʋʋs bilfu, tɩ bala yaa yals n vʋʋs pʋgẽ, la a Zeezi sẽn sãoog a Piyɛɛr reem-pokã. Rẽnd wakat kẽere, ninsaalbã segd n yals bilf n vʋʋs n paam pãn-paalga. Yaa vʋʋsmã pʋg la b tõe n bẽd n sõs ne Wẽnd pʋʋsg pʋgẽ. Musoyẽer Porspɛɛr KÕNTẼEBO togsame tɩ Layikã rãmb yʋʋmd sẽn pag tɩ b rɩk tʋʋmdã n ning pɛrɛtr dãmbã nugẽ wã ka rat n yeel tɩ b leba poorẽ n bas tigungã tʋʋmd ye. B segd n ket n kẽnda taoore, n tʋmd n sõngd pɛrɛtr dambã, tɩ yaa wa moos sẽn wilgi «tʋʋm sayã, tʋʋm keta»
Layikã rãmb taoor soab rɩka koɛɛg n pʋʋs Kiris nebã barka, b sẽn sak n kẽes b mens yʋʋmdã pʋgẽ n tʋm tigungã na kẽng taoor yĩnga. A wilgame tɩ yʋʋmdã pʋgẽ neb wʋsg tunugame n welg b yi-kãadem zu-loees tigungã pʋgẽ. Kẽer yɩɩ soobo, pãn-paosg la sakrma rãmba. Yagem tẽeb-so-toakã pʋgẽ, b rɩka waoor n kũuni n kõ Layikã neb kẽere.
Pʋʋsgã wa n tɩ baasa ne Ekaristi sakrma yiisgu. B sẽn yiis Ekaristi sakremã n maana pʋʋs-kasengã la b kell n dɩk Burkĩna Faso, sodaasã, VDP rãmbã la neb nins fãa sẽn be namsg pʋgẽ, zabrã sabaab yĩng n ning Wẽnd nugẽ. Yɩɩ Sẽn Sakrmã tall n gilg zama wã sʋka, la bark ningr n kell tɩ pag Yagem pʋʋs-kasengã, tɩ b kõ taab sɛk sa-sik kiuug rasem 14 yʋʋm 2024 Asomsẽo wã, n na n le seg-taaba.
Zɩll KAFAANDO
Les fidèles catholiques ont effectué leur pèlerinage annuel au sanctuaire marial de Yagma
Le dimanche 4 Février 2024, plusieurs fidèles catholiques venus des quatre coins de l’archidiocèse de Ouagadougou ont respecté la tradition en effectuant leur pèlerinage sur la colline mariale de Yagma. Le thème de ce pèlerinage est : « Fidèle laïc, occupe ta place et joue ton rôle dans l’église et dans la société ». C’est Monseigneur Prosper KONTIEBO, archevêque métropolitain de l’archidiocèse de Ouagadougou qui a présidé la célébration. Ce pèlerinage a connu la présence de Monseigneur Mikaël CROTTY, nonce apostolique Burkina-Niger, de Monseigneur Jean Marie Utaani COMPAORE de plusieurs prêtres et des autorités.
Avant le début de la messe, place a été faite à la prière des laudes, de l’accueil de Monseigneur Prospère KONTIEBO qui est à son premier pèlerinage depuis qu’il a pris le siège épiscopal de Ouagadougou depuis le 16 décembre 2023. Après l’eau de bienvenu, Monseigneur a lâché une colombe signe de recherche de la paix pour le Burkina Faso.
Dans son message de bienvenue Monsieur l’abbé Alfred OUEDRAOGO a salué les autorités ainsi que tous les pèlerins du jour.
« Fidèle laïc, occupe ta place et joue ton rôle dans l’église et dans la société » ce thème entre dans le cadre de la clôture de l’année du laïcat, et l’ouverture des 125 ans d’évangélisation au Burkina Faso. La parole de Dieu du 5 ème dimanche du temps ordinaire est tiré du livre de Saint Marc, sur la guérison de la belle-mère de l’apôtre Pierre. Pour Monseigneur KONTIEBO, nous tirons trois enseignement, d’abord la foi est un engagement, donc les fidèles catholiques sont demandés d’être actif dans la foi. C’est à dires s’engagée sur la vie et la construction de l’église et de la société. Après cela, il faut marquer un arrêt comme Jésus l’a fait en se rendant chez les parents de Saint Pierre. Donc dans les activités, il faut souvent marquer un arrêt pour se reposer, un arrêt surtout pour prier, parce que c’est dans la prière que nos activités prennent force. Le deuxième élément c’est l’arrêt pour une vie de communion avec Dieu. Pour lui la clôture de l’année du laïcat ne veut pas dire que le travail des laïcs doit s’arrêter. Le flambeau est passé aux agents pastoraux mais il y’a encore beaucoup à faire, il invite ainsi les laïcs à travailler avec les agents pastoraux pour le rayonnement de l’église.
Le président du conseil des laïcs a encore souhaité la bienvenue à Monseigneur Prospère KONTIEBO et il a fait un bilan satisfaisant de l’année du laïcat, l’année dans laquelle plusieurs fidèles ont régularisé leurs situations de mariages, de baptêmes et de confirmation. Quelques laïcs ont reçu des attestations pour leur engagement. Le pèlerinage s’est poursuivis avec l’adoration, le passage du Saint sacrement au milieu de la foule et la bénédiction finale. Rendez-vous a été donné le 15 aout 2024 pour le pèlerinage de l’assomption.
Jules KAFANDO
