par Pĩndã bi-beesã ra gɩta pagb la rap Tuudbweoog sorã zug n deesd b montɛy la b ligdi. Pagb nins sẽn yikd pĩnd n kẽnd n pɩɩsd soaya tɩ b boond-b t’a Sɩmo pagbã, la sẽn tʋmd-b tẽngã pʋgẽ wã, b ra veooda kẽer n kẽed moogã n tʋmd-b sẽn ka sakda. La sẽn zems yʋʋm 2024, zu-loe-kãng ra sɩnga weoog kolgre, tɩ bala, b ninga sorã kõntaale la Lampadɛɛr dãmba. Rẽ ra kɩtame tɩ bi-beesã ra ka le tõe n solg n tʋm tʋʋm-beedã ye. La yellã yaa “pẽg pag n yaag yal a zẽedẽ”. Tɩ bala, yʋʋmd a yembr poore, bi-beesã tõe n le wa paama solgr zĩiga, tɩ Arõndiisma 4 Delgasẽoespesɛll rãmb sã n ka yik n pĩnd n beoole.
Rõmpõe ning sẽn be Wẽndyaawẽnd noorẽ wã ne Terã bãng sʋka, Lampadɛɛr rãmb pis-naas n segd be be. Rũndã sapaolg kiuug rasem 11 yʋʋm 2025, Lampadɛɛr dãmb pis-naas sʋka, bãmb pissi la a tãab n ki. Yaool n yaa zĩ-kãng la bi-beesã sẽn da gɩtã. Sagdã zak sẽne likã rat n lebga wʋsgo. Yaa rẽ tɩ m bõosd Arõndiisma 4 Meer t’a lebs Tuudbweoog sorã Lampadɛɛr rãmba, la a ra bas tɩ kɩɩm kẽ roogẽ t’a yaool n pag ragno-pĩir ye. A Pẽgdwẽnde Erik Zĩnaaba
