par Yaa Nasẽo zini wã tigs-kaseng a naoor 77 soabã sẽn zĩnd Namerk tẽnga, tɩ ãndũni wen-vɩɩs a naasã nanambs seg taabã loogr poore, Burkĩna Faso tẽngã taoor soaba, Letena Kolonell Poll Ãari Sãandaoogo DAMIB kell n bẽda be n paam sɛk ne Nasẽo zini sullã taoor soab a Ãntonyo Guterɛɛse.
B zĩndã ne taab n gom yõ-koglgã la zu-loees a taab sẽn be Burkĩna Faso la Sayɛll tẽnsã pʋsẽ. Burkĩna Faso miniisr ning sẽn get tõnd ne zamaan-zẽns zoodã wilgame tɩ tẽngã taoor soab kell n togsa tãrãsisẽo wã zãab sẽn ya toto, la a kell n kos Nasẽo zini sula wã tɩ b yãag-a. Seg-taabã sẽn wa n sa, Burkĩna Faso tẽngã taoor dãmb pẽga Nasẽo zini sullã seb gʋnd-kasenga, a sẽn sak tãrãzisẽo wã na-kẽnda wã, la a yãk yam n na n yãag-b tɩ b zab ne yõ-koglg kaalmã, n paas rɩɩbã, la laafɩ wã wɛɛngẽ wã. Miniisr Oliviya Roamba wilgame tɩ Nasẽo zini rãmb zoe n dɩka na-kẽndr Burkĩna Faso yãagrã wɛɛngẽ.
A Kiswẽndsida Robɛɛr KABOORE
