Kiba-kɩtbã miniisr tɩ zĩniga Piri Galya naoor pissi la a wɛ soabã bʋ-kaoodba -

Sig-noy kiuug rasem a 8 yʋʋm 2026 soabã, Burkĩna Faso miniisr Pẽgdwẽnde Zɩlbɛɛr WEDRAOOG sẽn get kibaya ne kʋdemdã la gilg-n-ges yel-soalmã tɩ zĩniga bʋ-kaoodb buud toor-toore, tɩ b na n bale, la b vaees Piri Galya wã naoor pissi la a wɛ soabã, kiba-kɩtb buud toor-toor sẽn tall b tʋʋma n kẽed wagsgã pʋgẽ Waogdgo, tɩ b na n kao wagsd fãa tʋʋmd bʋʋdo.

Bʋ-kaoodb nu fãa na n vaeesame la b bal wagsdb 134 kibaya. Kibay b sẽn dɩgl n kẽed wagsgã pʋg yaa bãmb 268. Kiba-kãens yaa bũmb b sẽn tõog n yiisi, tɩ kast beẽ. Kiba-kɩtb sẽn gʋls Zʋgnall rãmbẽ yaa bãmb 68. Kiba-kɩtb sẽn gom Radiyo rãmb pʋse, bɩ sẽn yi Tele vizõ rãmb pʋs ya bãmb 70. Sẽn yi Tele vizõ rãmbã pʋs yaa bãmb 28. Kiba-kɩtb sẽn gʋlsd tɩ yit Ẽntɛgnetẽ wã yaa bãmb 58. Bãmb sʋkã buudã goamdb kibay yaa bãmb 34.

B zĩnigrã sẽn wa n kʋms n sa, Miniisr Pẽgdwẽnde Zɩlbɛɛr WEDRAOOG wilga bʋ-kaood fãa a sẽn sõmb n tall a meng toto, tɩ b fãa tʋʋmdã tũ taoor wala Piri Galya wã wagsg noor sẽn wilgi. Miniisrã boonda bʋ-kaood fãa t’a tall maag-m-meng la yam bʋgsem, n vaees la a bal wagsdbã tʋʋm ne pʋ-peelem tɩ bas-m-yam zĩnd a pʋgẽ.
A Pẽgdwẽnde Erik Zinaaba

admin

Vous pourriez aussi aimer

Gosneer yalsa Zend afirik tʋʋma Burkĩna Faso

Miniisr ning sẽn get meebã tɩ gesa sor ning sẽn yit Sakõens n dabd Kʋdgã

Tẽngã taoor soab rɩgla sãnem yɩlgr tʋʋm-noor pipi tãn-koeemde